ПРАВИЛО КО СВЯТОМУ ПРИЧАЩЕНIЮ ДЛЯ МIРЯНЪ

Начальная молитва*

Во Имя Отца́ (при сих словах начинаем творить Крестное Знамение**: полагаем персты на лобъ),  и Сы́на (на чрево), и Свята́го (на правое плечо) Ду́ха (на левое плечо). Ами́нь. Поклонъ.

* Общие сведения о молитве см. Приложение III

** Что такое Крестное Знамение и как его ПРАВИЛЬНО совершать см. Приложение I.

Хвалебная пѣснь Господу Богу

Сла́́ва Тебѣ́́, Бо́́же на́шъ, Сла́́ва Тебѣ́́. *

* Сей знак означает, что со словами: «Именем Господа Бога Отца, и Сына, и Святаго Духа. Аминь!» подобает сотворить Крестное Знамение, после чего сделать поясной/земной поклон. О поклонах и как их подобает правильно совершать см. Приложение IV

Молитва мытаря

Бо́же, ми́лостивъ бу́ди мнѣ́ грѣ́шному.

Молитва Iисусова*

Го́споди, Iису́се Хрiсте́, Сы́не и Сло́ве Бо́жiй, ра́ди Имени Твоего́ Свята́го, Си́лою Животворя́щего Креста́ , моли́твъ Пресвяты́я Богоро́дицы, Царя́ искупи́тѣля НIКОЛАЯ АЛЕКСАНДРОВИЧА, Небе́сныхъ Си́лъ и всѣ́хъ Святы́хъ, поми́луй на́съ и мíръ Тво́й. Ами́нь.

* О том, что такое молитва Иисусова и как её совершать см. Приложение II.

Молитва Святому Духу

Царю́ Небе́сный, Утѣ́шителю, Ду́ше Истины, Иже вездѣ́ сы́й и вся́ исполня́й, Сокро́вище Благи́хъ и Жи́зни Пода́телю, прiиди́ и всели́ся въ ны́, и очи́сти ны́ отъ вся́кiя скве́рны, и спаси́, Бла́же, ду́ши на́ша.

Ангельская пѣснь Пресвятой Троицѣ

Святы́й Бо́же, Святы́й Крѣ́пкiй, Святы́й Безсме́ртный, поми́луй на́съ.   (Трижды)

Малое славословiе Пресвятой Троицѣ

Сла́ва Отцу́ (творим Крестное Знамение*: полагаем персты на лобъ), и Сы́ну (на чрево), и Свято́му (на правое плечо)  Ду́ху (на левое плечо),  и ны́нѣ, и при́сно, и во вѣ́ки вѣко́въ. Ами́нь.

* Когда поминается Имя Пресвятой Троицы: "Отца, и Сына, и Святого Духа" ОБЯЗАТЕЛЬНО подобает творить Крестное Знамение. 

Молитва Пресвятой Троицѣ

Пресвята́я Тро́ице, поми́луй на́съ; Го́споди, очи́сти грѣхи́ на́ша; Влады́ко, прости́ беззако́нiя на́ша; Святы́й, посети́ и исцѣли́ не́мощи на́ша, Имене Твоего́ ра́ди.

Го́споди, поми́луй. (Трижды)*

* Когда 3 раза читаещь молитву "Господи помилуй", молись в уме так:

1-й раз: "Господи Боже Отче Вседежителю, очисти грѣхи наша".

2-й раз: "Господи Иисусе Христе прости беззакония наша".

3-й раз: "Господи, Боже Дуще Святый, посети (попали Огнем Благодати грѣхи наша) и исцели (мервое – оживотвори, недостающее – восполни, худое – к вящему благу обрати) немощи наша"

Малое славословiе Пресвятой Троицѣ

Сла́ва Отцу́ (на лобъ), и Сы́ну (на чрево), и Свято́му (на правое плечо)  Ду́ху (на левое плечо), * и ны́нѣ, и при́сно, и во вѣ́ки вѣко́въ. Ами́нь.

* Сим знаком дается напоминание, что подобает сотворить Крестное Знамение.

МОЛИТВА  ГОСПОДНЯ

Отче на́шъ, Иже еси́ на Небесѣ́хъ! Да святи́тся Имя Твое́; да прiи́детъ Ца́рствiе Твое́; да бу́детъ Во́ля Твоя́, я́ко на Небеси́, и на земли́; хлѣ́бъ на́шъ насу́щный да́ждь на́мъ дне́сь; и оста́ви на́мъ до́лги на́ша, я́ко и мы́ оставля́емъ должнико́мъ на́шимъ; и не введи́ на́съ во искуше́ніе, но изба́ви на́съ отъ лука́ваго; я́ко Тво́е е́сть Ца́рствіе, и Си́ла, и Сла́ва: Отца́ (на лобъ) и Сы́на (на чрево) и Свята́го (на правое плечо) Ду́ха (на левое плечо),  ны́нѣ и при́сно во вѣ́ки вѣко́въ. Ами́нь.

Го́споди, поми́луй. (12-ть раз)*

* Когда читаещь 12 раз молитву "Господи помилуй", молись в уме так:

1-й раз: "Го́споди, прости́ мя́ за всё, что я до́лженъ бы́лъ сде́лать, но не сде́лалъ и ра́ди Имени Твоего́ помяни́ во Ца́рствiи Твое́мъ всѣ́хъ позна́вшихъ Тебя́!"

2-й раз: "Го́споди, про́сти ми́ грѣхи́ совершѣ́нные по невѣ́денiю (по слепотѣ́ духо́внѣй) и ра́ди Имени Твоего́ спаси́ всѣ́хъ не позна́вшихъ Тебя́!"

3-й раз: "Го́споди, прости́ ми́ беззако́нiя моя (грѣхи́, когда́ я шёлъ про́тивъ со́вести свое́й, зна́лъ Святу́ю Во́лю Твою́, но поступа́лъ непра́ведно) и ра́ди Имени Твоего́ взыщи́, всѣ́хъ кто́ отве́ргнулъ Тебя́."

4-й раз: "Го́споди, про́сти мя́ за всё, что я до́лженъ де́лать, но не де́лаю; и ра́ди Имени Твоего́ спаси́ всѣ́хъ позна́вшихъ Тебя́!"

5-й раз: "Го́споди, прости́ ми́ грѣхи́, совершамые по невѣ́денiю; и ра́ди Имени Твоего́ просвѣти́ всѣ́хъ, кто ещё не по не позна́лъ Тебя́!"

6-й раз: "Го́споди, прости́ ми́ беззако́нiя моя́, (когда́ я иду́ про́тивъ со́вести свое́й, зна́ю Святу́ю Во́лю Твою́, но поступа́ю непра́ведно); и ра́ди Имени Твоего́ спаси́ всѣ́хъ, кто отверга́етъ Тебя́!"

7-й раз: "Го́споди, сохрани́ мя́ на Путя́хъ исполне́нiя Во́ли Твоея́, и ра́ди Имени Твоего́ спаси́ всѣ́хъ, кто позна́етъ Тебя́!"

8-й раз: "Го́споди,  изми́ отъ грѣхо́внаго мра́ка меня́, и ра́ди Имени Твоего́ просвети́ всѣ́хъ, кто не позна́етъ Тебя́!"

9-й раз:  "Го́споди,  изба́ви отъ преиспо́дняго а́да меня́ и ра́ди Имени Твоего́ спаси́ всѣ́хъ, кто отве́ргнетъ Тебя́."

10-й раз:  "Го́споди, на Стра́шнѣмъ Суде́ Твое́мъ, прости́ мя́ за всё, что я до́лженъ бы́лъ сде́лать, но не сде́лалъ; и ра́ди Имени Твоего́ введи́ во Ца́рствие Твое́  всѣ́хъ позна́вшихъ Те́бя."

11-й раз: "Го́споди, на Стра́шнѣ́мъ Суде́ Твое́мъ прости́ ми́ грѣхи́ совершѣ́нные по невѣ́дению; и ра́ди Имени Твоего́ спаси́ всѣ́хъ не позна́вшихъ Тебя́."

12-й раз:  "Го́споди, на Стра́шнѣмъ Суде́ Твое́мъ прости́ ми́ беззако́нiя моя́ (когда шелъ про́тивъ со́вести мое́й,  зна́лъ Святу́ю Во́лю Твою́, но поступа́лъ непра́вѣдно); и ра́ди Имени Твоего́ спаси́ всѣ́хъ, кто отвергнулъ Тебя́."

Сла́ва Отцу́ (на лобъ), и Сы́ну (на чрево), и Свято́му (на правое плечо)  Ду́ху (на левое плечо),  и ны́нѣ, и при́сно, и во вѣ́ки вѣко́въ. Ами́нь.

Прiиди́те, поклони́мся Царе́ви на́ше­му Бо́гу.  Земной поклонъ*

Прiиди́те, поклони́мся и припаде́мъ Хрiсту́, Царе́ви на́шему Бо́гу.  Земной поклонъ

Прiиди́те, поклони́мся и припаде́мъ Самому́ Хрiсту́, Царе́ви и Бо́гу на́шему.  Земной поклонъ

* Как правильно творить земные поклоны см. Приложение IV.

Псаломъ 22-й

Госпо́дь пасе́тъ мя́, и ничто́же мя́ лиши́тъ. На мѣ́стѣ зла́чнѣ, та́мо всели́ мя́: на водѣ́ поко́йнѣ воспита́ мя́. Ду́шу мою́ обрати́, наста́ви мя́ на Стези́ Пра́вды И́мене ра́ди Своего́. Ащ́е бо и пойду́ посредѣ́ сѣ́ни сме́ртныя, не убою́ся зла́, я́ко Ты́ со мно́ю еси́; Же́злъ Твой и Па́лица Твоя́, та́ мя́ утѣ́шиста. Угото́валъ еси́ предо мно́ю трапе́зу, сопроти́въ стужа́ющимъ мнѣ́; умасти́лъ еси́ елее́мъ главу́ мою́, и ча́ша Твоя́ упоява́ющи мя́ я́ко Держа́вна; и Ми́лость Твоя́ пожене́тъ мя́ вся́ дни́ живота́ моего́; и е́же вселити́ ми́ ся въ До́мъ Госпо́день въ долготу́ днíй.

Псаломъ 23-й

Госпо́дня земля́, и исполне́нiе ея́, вселе́нная и вси́ живу́щiи на не́й. То́й на моря́хъ основа́лъ ю́ (её) е́сть, и на рѣка́хъ угото́валъ ю́  есть. Кто́ взы́детъ на Го́ру Госпо́дню? Или кто́ ста́нетъ на Мѣ́стѣ Святѣ́мъ Его́? Непови́ненъ рука́ма и чи́стъ се́рдцемъ, и́же не прiя́тъ всу́е ду́шу свою́, и не кля́тся ле́стiю и́скреннему своему́. Се́й прiи́метъ Благос­лове́нiе отъ Го́спода, и Ми́лостыню отъ Бо́га Спа́са своего́. Се́й ро́дъ и́щущихъ Го́спода, и́щущихъ Лице́ Бо́га Іа́ковля. Возми́те врата́ кня́зи ва́ша, и возми́­теся врата́ вѣ́чная, и вни́детъ Ца́рь Сла́вы. Кто́ е́сть се́й Ца́рь Славы? Госпо́дь Крѣ́покъ и Си́ленъ, Госпо́дь си́ленъ въ бра́ни. Возми́те врата́ кня́зи ва́ша, и возми́теся врата́ вѣ́чная, и вни́детъ Ца́рь Сла́вы. Кто́ есть се́й Ца́рь Сла́­вы? Госпо́дь Си́лъ, То́й е́сть Ца́рь Сла́вы.

Псаломъ 115-й

Вѣ́ровахъ, тѣ́мже возглаго́лахъ, а́зъ же смири́хся зѣло́. Азъ же рѣ́хъ во изступле́нiи мое́мъ: вся́къ человѣ́къ ло́жъ. Что́ возда́мъ Го́сподеви о всѣ́хъ, я́же воздаде́ ми́? Ча́шу спасе́нiя прiиму́, и И́мя Госпо́дне призову́; моли́твы моя́ Го́сподеви возда́мъ предъ всѣ́ми людьми́ его́. Честна́ предъ Го́сподемъ сме́рть Преподо́бныхъ Его́. О Го́споди, а́зъ ра́бъ Тво́й, а́зъ ра́бъ Тво́й, и сы́нъ рабы́ни Твоея́; растерза́лъ еси́ у́зы моя́. Тебѣ́ пожру́ Же́ртву Хвалы́, и во И́мя Госпо́дне призову́. Моли́твы моя́ Го́сподеви возда́мъ предъ всѣ́ми людьми́ Его́. Во Дворѣ́хъ До́му Госпо́дня, посредѣ́ Тебе́ Іерусали́ме.

Сла́ва Отцу́, и Сы́ну, и Свято́му Ду́ху, и ны́нѣ, и при́сно, и во вѣ́ки вѣко́въ. Ами́нь.

Аллилу́ія, Алиилу́ія, Аллилу́ія, Сла́ва Тебѣ́ Бо́же.  (Трижды)

Тропари покаяные

Беззако́нія моя́ пре́зри, Го́споди, отъ Дѣ́вы рожде́йся, и се́рдце мое́ очи́сти, хра́мъ то творя́ Пречи́стому Твоему́ Тѣ́лу и Кро́ви; ниже́ отри́ни мене́ отъ Твоего́ лица́, безъ числа́ имѣ́яй Ве́лію Ми́лость.

Сла́ва Отцу́, и Сы́ну, и Свято́му Ду́ху.

Во прича́стіе Святы́нь Твои́хъ ка́ко дерзну́ недосто́йный? А́ще бо дерзну́ къ Тебѣ́ приступи́ти съ досто́йными, хито́нъ мя́ облича́етъ, я́ко нѣ́сть вече́рній, и осужде́ніе исхода́тайствую многогрѣ́шнѣй души́ мое́й; очи́сти, Го́споди, скве́рну души́ моея́ и спаси́ мя́, я́ко Человѣколю́бецъ.

И ны́нѣ, и при́сно, и во вѣ́ки вѣко́въ. Ами́нь.

Мно́гая мно́жества мои́хъ, Богоро́­дице, прегрѣше́ній; къ тебѣ́ прибѣго́хъ, Чи́стая, спасе́нія тре́буя. Посѣти́ немощству́ющую мою́ ду́шу и моли́ Сы́на Твоего́, и Бо́га на́шего да́ти ми́ оставле́ніе, я́же содѣ́яхъ лю́тыхъ, еди́на Благослове́нная.

Въ Великій Пост также глаголи и сей тропарь:

Егда́ сла́вніи учени́цы на умове́ніи ве́чери просвѣща́хуся, тогда́ Іу́да злочес­ти́вый, сребролю́біемъ неду́го­вавъ омра­ча́теся, и беззако́ннымъ судія́мъ Тебе́, Пра́веднаго Судію́, предае́тъ. Ви́ждь, имѣ́ній рачи́телю, си́хъ ра́ди удавле́ніе употреби́вша; бѣжи́ несы́тыя души́, Учи́телю такова́я дерзну́в­шія; И́́же о всѣ́хъ Благі́й, Го́споди, Сла́ва Тебѣ́.

Псаломъ 50-й, покаянный

Поми́луй мя́, Бо́же, по Вели́цѣй Ми́лости Твое́й и по мно́жеству Щедро́тъ Твои́хъ очи́сти беззако́нiе мое́. Наипа́че омы́й мя́ отъ безза́конiя моего́, и отъ грѣха́ моего́ очи́сти мя́. Яко беззако́нiе мое́ а́зъ зна́ю, и грѣ́хъ мо́й предо мно́ю е́сть вы́ну. Тебѣ́ Еди́ному согрѣши́хъ и лука́вое пре́дъ Тобо́ю сотвори́хъ; я́ко да оправди́шися во Словесѣ́хъ Твои́хъ, и побѣди́ши внегда́ суди́ти Ти́. Се́ бо, въ беззако́нiихъ зача́тъ е́смь, и во грѣсѣ́хъ роди́ мя́ ма́ти моя́. Се́ бо, Истину возлю́билъ е́си; безве́стная и та́йная Прему́дрости Твоея́ яви́лъ ми́ еси́. Окропи́ши мя́ иссо́помъ, и очи́щуся; омы́еши мя́, и па́че снѣ́га убѣлю́ся. Слу́ху моему́ да́си ра́дость и весе́лiе; возра́дуются ко́сти смире́нныя. Отврати́ Лице́ Твое отъ грѣ́хъ мои́хъ и вся́ беззако́нiя моя́ очи́сти. Се́рдце чи́сто сози́жди во мнѣ́, Бо́же, и Ду́хъ Пра́въ обнови́ во утро́бѣ мое́й. Не отве́ржи мене́ отъ Лица́ Твоего́ и Ду́ха Твое́го Свята́го не отими́ отъ мене́. Возда́ждь ми́ ра́дость спасе́нiя Твоего́ и Ду́хомъ Влады́чнимъ утверди́ мя́. Научу́ беззако́нныя Путе́мъ Твои́мъ, и нечести́вiи къ Тебѣ́ обратя́тся. Изба́ви мя́ отъ крове́й, Бо́же, Бо́же спасе́нiя моего́; возра́дуется язы́къ мо́й Пра́вдѣ Твое́й. Го́споди, устнѣ́ мои́ отве́рзеши, и уста́ моя́ возвѣстя́тъ Хвалу́ Твою́. Яко а́ще бы восхотѣ́лъ еси́ же́ртвы, да́лъ бы́хъ у́бо; всесожже́нiя не благоволи́ши. же́ртва Бо́гу ду́хъ сокруше́нъ; се́рдце сокруше́нно и смире́нно Бо́гъ не уничижи́тъ. Ублажи́, Го́споди, Благоволе́нiемъ Твои́мъ Сiо́на, и да сози́ждутся стѣ́ны Iерусали́мскiя. Тогда́ благоволи́ши Же́ртву Пра́вды, возноше́нiе и всесожега́емая; тогда́ возложа́тъ на олта́рь Тво́й тельцы́.

КАНОНЪ КО СВЯТОМУ ПРИЧАЩЕНИЮ

Пѣснь 1-я

Ірмосъ: Гряди́те лю́дiе, пои́мъ пѣ́снь Хрiсту́ Бо́гу, раздѣ́льшему мо́ре, и наста́вльшему лю́ди, я́же изведе́ изъ рабо́ты еги́петскiя, я́ко просла́вися.

Хлѣ́бъ Живота́ вѣчну́ющаго да бу́детъ ми́ Тѣ́ло Твое́ Свято́е, Благоут­ро́бне Го́споди, и Честна́я Кро́вь, и неду́гъ многообра́зныхъ исцѣле́нiе.

Оскверне́нъ дѣлы́ безмѣ́стными ока­я́н­ный, Твоего́ Пречи́стаго Тѣ́ла, и Бо­же́ст­венныя Кро́ве недосто́инъ е́смь, Хрiсте́, причаще́нiя, Его́же мя́ спо­до́би.

Богородиченъ: Земле́ Блага́я, Благос­лове́нная Богоневѣ́сто, Кла́съ прозя́бшая неора́нный, и спаси́тельный мíру; сподо́би мя́ Се́й яду́ща спасти́ся.

Пѣснь 3-я

Ірмосъ: На ка́мени мя́ Вѣ́ры утвер­ди́въ, разши́рилъ еси́ уста́ моя́ на враги́ моя́, возвесели́ бо ся ду́хъ мо́й, внегда́ пѣ́ти, нѣ́сть Свя́тъ я́коже Бо́гъ нашъ, и нѣ́сть Пра́веденъ, па́че Тебе́ Го́споди.

Сле́зныя ми́ пода́ждь Хрiсте́ ка́пли, скве́рну се́рдца моего́ очища́ющiя; я́ко да благо́ю со́вѣстiю очи́щенъ, вѣ́рою при­хожду́ и стра́хомъ Влады́ко, ко прича­ще́нiю Боже́ственныхъ Даро́въ Твои́хъ.

Во оставле́нiе да бу́детъ ми́ прегрѣ­ше́нiй Пречи́стое Тѣ́ло Твое́, и Боже́ст­венная Кро́вь, Ду́ха же Свята́го обще́нiе, и въ Жи́знь Вѣ́чную, Человѣ­колю́бче, и страсте́й и скорбе́й отчуж­де́нiе.

Богородиченъ: Хлѣ́ба Живо́тнаго Тра́­пеза Пресвята́я, свы́ше Ми́лости ра́ди Сше́дшаго, и мíрови Но́вый Живо́тъ даю́щаго, и мене́ ны́нѣ сподо́би недос­то́йнаго, со стра́хомъ вкуси́ти Сего́, и жи́ву бы́ти.

Пѣснь 4-я

Ірмосъ: Прише́лъ еси́ отъ Дѣ́вы не хода́тай, ни А́нгелъ, но Са́мъ Го́споди вопло́щься, и спа́слъ еси́ всего́ мя́ человѣ́ка. Тѣ́мъ зову́ Ти́: Сла́ва Си́лѣ Твое́й Го́споди.

Восхотѣ́лъ еси́ на́съ ра́ди вопло́щься Многоми́лостиве, за́кланъ бы́ти я́ко овча́, грѣ́хъ ра́ди человѣ́ческихъ; тѣ́мже молю́ Тя, и моя́ очи́сти согрѣше́нiя.  

Исцѣли́ души́ моея́ я́звы Го́споди, и всего́ освяти́; и сподо́би Влады́ко, я́ко да причащу́ся Та́йныя Твоея́ Боже́ст­венныя Ве́чери окая́нный.

Богородиченъ: Уми́лостиви и мнѣ́ Су́щаго отъ утро́бы Твоея́ Влады́чице: и соблюди́ мя́ нескве́рна раба́ Твоего́, и непоро́чна, я́ко да прiе́мь У́мнаго Би́сера, освящу́ся.

Пѣснь 5-я

Ірмосъ: Свѣ́та Пода́телю и вѣко́въ Тво́рче Го́споди, во Свѣ́тѣ Твои́хъ повелѣ́нiй наста́ви на́съ; ра́звѣ бо Тебе́ ино́го Бо́га не зна́емъ.  

Я́коже предре́клъ еси́ Хрiсте́, да бу́детъ у́бо худо́му рабу́ Твоему́, и во мнѣ́ пребу́ди я́коже обѣща́лся еси́; се́ бо Тѣ́ло Твое́ я́мъ Боже́ственное, и пiю́ Кро́вь Твою́.

Сло́ве Бо́жiй и Бо́же, у́гль Тѣ́ла Твоего́ да бу́детъ мнѣ́ помраче́нному въ просвѣще́нiе, и очище́нiе оскверне́нной души́ мое́й Кро́вь Твоя́.

Богородиченъ: Марíе Ма́ти Бо́жiя, Бла­гоуха́нiя Честно́е Селе́нiе, Твои́ми моли́твами сосу́дъ мя́ избра́нный содѣ́­лай, я́ко да освяще́нiй причащу́ся Сы́на Твоего́.

Пѣснь 6-я

Ірмосъ: Въ бе́зднѣ грѣхо́внѣй валя́яся, неизслѣ́дную Милосе́рдiя Твоего́ призы­ва́ю Бе́здну; отъ тли́ Бо́же мя́ возведи́.

У́мъ, ду́шу и се́рдце освяти́ Спа́се, и тѣ́­ло мое́, и сподо́би неосужде́нно Влады́ко ко Стра́шнымъ Та́йнамъ прис­тупи́ти.

Да́бы устрани́лся отъ страсте́й, и Твоея́ Благода́ти имѣ́лъ бы приложе́нiе, живота́ же утвержде́нiе, причаще́нiемъ Святы́хъ Хрiсте́ Та́инъ Твои́хъ.

Богородиченъ: Бо́жiе, Бо́же, Сло́во Свято́е, всего́ мя освяти́, ны́нѣ прихо­дя́щаго къ Боже́ственнымъ Твои́мъ Та́йнамъ, Святы́я Ма́тере Твоея́ и Царя́ искупи́теля Нікола́я  мольба́ми.

Кондак: Хлѣ́бъ, Хрiсте́, взя́ти не пре́зри мя́ Тѣ́ло Твое́, и Боже́ственную Твою́ Кро́вь ны́нѣ, Пречи́стыхъ Влады́­ко, и Стра́шныхъ Твои́хъ Та́инъ причас­ти́тися окая́ннаго; да не бу́детъ ми́ въ су́дъ, да бу́детъ же ми́ въ Живо́тъ Вѣ́чный и Безсме́ртный.

Пѣснь 7-я

Ірмосъ: Те́лу злато́му прему́дрыя дѣ́ти не послужи́ша, и въ пла́мень са́ми поидо́ша, и бо́ги и́хъ обруга́ша, среди́ пла́мене возопи́ша, и ороси́ я́ А́нгелъ; услы́шася уже́ у́стъ ва́шихъ моли́тва.

Исто́чникъ Благи́хъ, причаще́нiе Хрiсте́ Безсме́ртныхъ Твои́хъ ны́нѣ Та́инствъ, да бу́детъ ми́ Свѣ́тъ, и Живо́тъ, и Безстра́стiе, и къ преспѣя́нiю же и умноже́нiю добродѣ́­тели Боже́ст­веннѣйшiя хода́тайственно, Еди́не Бла́же, я́ко да Сла́влю Тя́.

Да изба́влюся отъ страсте́й, и враго́въ, и нужды́, и вся́кiя ско́рби, тре́петомъ и любо́вiю, со Благого­вѣ́нiемъ человѣко­лю́бче приступа́яй ны́нѣ къ Твои́мъ Безсме́ртнымъ и Боже́ственнымъ Та́йнамъ, и пѣ́ти Тебѣ́ сподо́би: Благослове́нъ еси́ Го́споди Бо́же оте́цъ на́шихъ.

Богородиченъ: Спа́са Хрiста́ ро́жд­шая па́че ума́ Богоблагода́тная; молю́ Тя́ ны́нѣ ра́бъ Тво́й, Чи́стую нечи́стый, хотя́щаго мя́ ны́нѣ къ Пречи́стымъ Та́йнамъ приступи́ти, очи́сти всего́ отъ скве́рны пло́ти и ду́ха.

Пѣснь 8-я

Ірмосъ: Въ пе́щь о́гненную ко о́тро­комъ евре́йскимъ снизше́дшаго, и пла́­мень въ росу́ преложи́вшаго Бо́га, по́йте дѣла́, я́ко Го́спода, и превозноси́те во вся́ вѣ́ки.

Небе́сныхъ и Стра́шныхъ, Святы́хъ Твои́хъ Хрiсте́, ны́нѣ Та́инъ, и Боже́ст­венныя Твоея́ и Та́йныя Ве́чери, о́бщ­ника бы́ти и мене́ сподо́би отъча́яннаго, Бо́же спа́се мо́й.

Подъ Твое́ прибѣ́гъ Благоутро́бiе Бла́же, со стра́хомъ зову́ Ти́: во мнѣ́ пребу́ди Спа́се; и а́зъ, я́коже ре́клъ еси́, въ Тебѣ; се́ бо дерза́я на Ми́лость Твою́, я́мъ Тѣ́ло Твое́, и пiю́ Кро́вь Твою́.

Трепещу́ прiе́мля Огнь, да не опалю́ся я́ко во́скъ, и я́ко трава́. о́ле Стра́шнаго Та́инства! О́ле Благоутро́бiя Бо́жiя! Ка́ко Боже́ственнаго Тѣ́ла и Кро́ве бре́нiе причаща́юся, и нетлѣ́ненъ сотворя́юся!

Пѣснь 9-я

Ірмосъ: Безнача́льна роди́теля Сы́нъ, Богъ и Госпо́дь, вопло́щься отъ Де́вы намъ яви́ся, омраче́нная просвѣти́ти, собра́ти расточе́нная, тѣ́мъ Всепѣ́тую Богоро́дицу велича́емъ.

Хрiсто́съ е́сть, вкуси́те и ви́дите; Госпо́дь на́съ ра́ди, по на́мъ бо дре́вле бы́вый, Еди́ною Себе́ прине́съ, я́ко приноше́нiе Отцу́ Своему́, при́сно закала́ется, освяща́яй причаща́ющіяся.  

Душе́ю и тѣ́ломъ да освящу́ся Влады́­ко, да просвѣщу́ся, да спасу́ся, да бу́ду До́мъ Тво́й, причаще́нiемъ Свяще́н­ныхъ Та́инъ, живу́щаго Тя́ имѣ́я въ себѣ́ со Отце́мъ и Ду́хомъ, Благодѣ́телю Многоми́лостиве.  

Я́коже о́гнь да бу́детъ ми́, и я́ко свѣ́тъ Тѣ́ло Твое́, и Кро́вь Спа́се мо́й Пречест­на́я; опаля́я грѣхо́вное вещест­во́, сжига́я же страсте́й те́рнiе, и всего́ мя́ прос­вѣща́я, покланя́тися Божеству́ Твоему́.

Богородиченъ: Бо́гъ воплоти́ся отъ Чи́стыхъ Крове́й Твои́хъ, тѣ́мже вся́кiй ро́дъ пое́тъ Тя́ Влады́чице; Умная же Мно́жества сла́вятъ, я́ко Тобо́ю я́вѣ у́зрѣша всѣ́ми Влады́чествующаго, осуществова́вшагося человѣ́чествомъ.

Обычное окончаніе правила

Досто́йно е́сть, я́ко вои́стинну блажи́ти Тя́ Богоро́дицу, Присноблаже́нную и Пренепоро́чную и Ма́трь Бо́га на́шего. Честнѣ́йшую Херувíмъ и Славнѣ́йшую безъ сравне́нiя Серафíмъ, безъ истлѣ́нiя Бо́га Сло́ва ро́ждшую, сущу́ю Богоро́дицу Тя́ велича́емъ.

Сла́ва Отцу́, и Сы́ну, и Свято́му Ду́ху,  и ны́нѣ, и при́сно, и во вѣ́ки вѣко́въ. Ами́нь.

Го́споди, поми́луй. (Трижды)

Го́споди, Iису́се Хрiсте́, Сы́не и Сло́­ве Бо́жiй, ра́ди Имени Твоего́ Свята́го, и моли́твъ Пречи́стыя Твоея́ Ма́тре, Царя́ искупи́тѣля Нiкола́я и вcѣ́хъ Святы́хъ, поми́луй на́съ грѣ́шныхъ и спаси́ Зе́млю Ру́сскую. Ами́нь.

МОЛИТВЫ КО СВЯТОМУ ПРИЧАЩЕНІЮ

Причастные стіхи

Хотя́ я́сти, человѣ́че, Тѣ́ло Влады́чне,  Стра́хомъ приступи́, да не опали́шися; О́гнь бо е́сть.

Боже́ственную же пія́ Кровь ко обще́нію, пе́рвѣе примири́ся тя́ опеча́­лившымъ, Та́же (только тогда) дерза́я Та́инственное Бра́шно я́ждь.

Пре́жде Прича́стiя Стра́шныя Же́рт­вы, Животворя́щаго Тѣ́ла Влады́чня, Си́мъ помоли́ся о́бразомъ со тре́петомъ.

Молитва Василiа Великого, 1-я

Влады́ко Го́споди Іису́се Хрiсте́ Бо́же нашъ, Исто́чникъ Жи́зни и Безсме́ртiя, всея́ тва́ри ви́димыя и неви́димыя Содѣ́телю, Безнача́льнаго Отца Соприс­носу́щный Сы́не, и Собезнача́льный, премно́гiя ра́ди Бла́гости въ послѣ́днiя дни́ въ плоть оболкí́йся, и распны́йся, и погребы́йся за ны́ неблагода́рныя и злонра́вныя, и Свое́ю Кро́вiю обнови́­вый растлѣ́вшее грѣхо́мъ естество́ на́ше; Са́мъ Безсме́ртный Царю́, прiими́ и мое́ грѣ́шнаго покая́нiе, и приклони́ у́хо Твое́ мнѣ́, и услы́ши глаго́лы моя́. Согрѣши́хъ бо, Го́споди, согрѣши́хъ на Не́бо и пре́дъ тобо́ю, и нѣ́смь досто́инъ воззрѣ́ти на Высоту́ Сла́вы Твоея́; прогнѣ́вахъ бо Твою́ Бла́гость, Твоя́ За́повѣди преступи́въ и не послу́шавъ Твои́хъ повелѣ́нiй. Но Ты́ Го́споди, Незло́бивъ сы́й Долготерпѣли́въ же и Многоми́лостивъ, не преда́лъ еси́ мя́ поги́бнути со беззако́ньми мои́ми, моего́ вся́чески ожида́я обраще́нiя. Ты́ бо ре́клъ еси́ Человѣколю́бче Проро́­комъ Твои́мъ: я́ко хотѣ́нiемъ не хощу́ сме́рти грѣ́шника, но е́же обрати́тися и жи́ву бы́ти ему́. Не хо́щеши бо Влады́­ко, созда́нiя Твое́ю Руку́ погуби́ти, ни́же Благоволи́ши о поги́бели человѣ́­честѣй, но хо́щеши всѣ́мъ спасти́ся, и въ Ра́зумъ Истины прiити́. Тѣ́мже и а́зъ, а́ще и недо́стоинъ е́смь Небесе́ и земли́, и сея́ привре́менныя жи́зни, всего́ себе́ повину́въ грѣху́, и сласте́мъ порабо­ти́въ, и Тво́й оскверни́въ о́бразъ; но творе́нiе и созда́нiе Твое́ бы́въ, не отъчаява́ю своего́ спасе́нiя окая́нный, на Твое́ же Безмѣ́рное Благоутро́бiе дерза́я прихожду́. Прiими́ у́бо и мене́ Человѣколю́бче Го́споди я́коже блудни́­цу, я́ко разбо́йника, я́ко мытаря́, и я́ко блу́днаго, и возми́ мое́ тя́жкое бре́мя грѣхо́въ, грѣ́хъ взе́мляй мíра, и не́мощи человѣ́ческiя исцѣля́яй; тружда́ющiяся и обремене́нныя къ Себѣ́ призыва́яй и упокоева́яй, не прише́дый призва́ти пра́ведныя, но грѣ́шныя на покая́нiе, и очи́сти мя́ отъ вся́кiя скве́рны пло́ти и ду́ха, и научи́ мя́ соверша́ти Святы́ню во Стра́сѣ Твое́мъ; я́ко да чи́стымъ свѣ́дѣнiемъ со́вѣти моея́, Святы́нь Твои́хъ ча́сть прiе́мля, соединю́ся Свято́му Тѣ́лу Твоему́ и Кро́ви, и имѣ́ю Тебе́ во мнѣ́ живу́ща и пребыва́юща со Отце́мъ и Святы́мъ Твоимъ Ду́хомъ. Ей Го́споди Іису́се Хрiсте́ Бо́же мо́й, и да не въ су́дъ ми бу́детъ прича́стiе Пречи́стыхъ, и Животворя́щихъ Та́инъ Твои́хъ, ни́же да не́мощенъ бу́ду душе́ю же и тѣ́ломъ, отъ е́же недос­то́йнѣ тѣ́мъ причаща́тися; но да́ждь ми́ да́же до коне́чнаго моего́ издыха́нiя, неосужде́нно воспрiима́ти ча́сть Свя­ты́нь Твои́хъ, въ Ду́ха Свята́го обще́нiе, въ напу́тiе Живота́ Вѣ́чнаго, и во благопрiя́тенъ отъвѣ́тъ на Стра́шнѣмъ Суди́щи Твоемъ; я́ко да и а́зъ со всѣ́ми избра́нными Твои́ми о́бщникъ бу́ду Нетлѣ́нныхъ Твои́хъ Бла́гъ, я́же угото́­валъ еси́ лю́бящимъ Тя́ Го́споди, въ ни́хже препросла́вленъ еси́ во вѣ́ки. Ами́нь.

Молитва  Іоанна Златоуста, 2-я

Го́споди Бо́же мо́й, вѣ́мъ, я́ко нѣ́смь досто́инъ, ниже́ дово́ленъ, да подъ кро́въ вни́деши хра́ма души́ моея́; зане́же ве́сь пу́стъ и па́лся е́сть, и не и́маши во мнѣ́ мѣ́ста досто́йна, е́же главу́ подклони́ти; но я́коже съ высоты́ на́съ ра́ди смири́лъ еси́ Себе́, смири́ся и ны́нѣ смире́нiю моему́; и я́коже воспрiя́лъ еси́ въ верте́пѣ и въ я́слехъ безслове́сныхъ возлещи́; си́це воспрi­ими́ и въ я́слехъ безслове́сныя моея́ души́, и во оскверне́нное мое́ тѣ́ло вни́­ти. и я́коже удосто́илъ еси́ вни́ти, и све­черя́ти со грѣ́шники въ дому́ Сíмона прокаже́ннаго; та́ко изво́ли вни́ти и въ до́мъ сми́ренныя моея́ души́, прока­же́нныя и грѣ́шныя; и я́коже не отъри́нулъ еси́ подо́бную мнѣ́ блуд­ни́цу, и грѣ́шную, прише́дшую и прикосну́вшуюся Тебѣ́; си́це умилосе́р­дися и о мнѣ́ грѣ́шнѣмъ, приходя́щемъ и прикаса́ющемъ Ти́ ся. и я́коже не возгнуша́лся еси́ скве́рныхъ ея́ у́стъ и нечи́стыхъ, цѣлу́ющихъ Тя́, ни́же мои́хъ возгнуша́йся скве́рншихъ о́ныя у́стъ, и нечи́стшихъ; ниже́ ме́рзкихъ мои́хъ и нечи́стыхъ усте́нъ, и скве́рнаго и нечи́стѣйшаго моего́ язы́ка. Но да бу́детъ ми́ Угль Пресвята́го Твоего́ Тѣ́ла, и Честны́я Твоея́ Кро́ве, во освяще́нiе, и просвѣще́нiе, и здра́вiе смире́ннѣй мое́й души́ и тѣ́лу, во облегче́нiе тя́жестей мно́гихъ мои́хъ согрѣше́нiй, въ соблюде́нiе отъ вся́каго дiа́вольскаго дѣ́йства, во отъгна́нiе и возбране́нiе зла́го моего́ и лука́ваго обы́чая: во умерщвле́нiе страсте́й, въ снабдѣ́нiе За́повѣдей Твои́хъ, въ прило́женiе Боже́ственныя Твоея́ Благо­да́ти, и Твоего́ Ца́рствiя присвое́нiе; не бо я́ко презира́яй прихожду́ къ Тебѣ́ Хрiсте́ Бо́же, но я́ко дерза́я на неизрече́нную Твою́ Бла́гость; и да не на мно́зѣ удаля́яйся Обще́нiя Твоего́, отъ мы́сленнаго во́лка звѣроуловле́нъ бу́ду. Тѣ́мже молю́ся Тебѣ́, я́ко Еди́нъ сы́й Свя́тъ Влады́ко, освяти́ мою́ ду́шу и тѣ́ло, у́мъ и се́рдце, чревеса́ и утро́бы, и всего́ мя́ обнови́; и вкорени́ Стра́хъ Тво́й во удесѣ́хъ мои́хъ, и освяще́нiе Твое́ неотъе́млемо отъ мене́ сотвори́. И бу́ди ми́ Помо́щникъ и Засту́пникъ, окормля́я въ мі́рѣ живо́тъ мо́й, сподо­бля́я мя́ и одесну́ю Тебе́ предс­тоя́нiя со Святы́ми Твои́ми, моли́твами и моле́нь­ями Пречи́стыя Твоея́ Ма́тере, Свята́го Царя́ искупи́тѣля Нікола́я, Невеще́ст­вен­ныхъ Твои́хъ Служи́телей, и Пре­чи́стыхъ Си́лъ, и всѣ́хъ Святы́хъ отъ вѣ́ка Тебе́ Благоугоди́вшихъ. Ами́нь.

Молитва Іоанна Дамаскина, 3-я

Влады́ко Го́споди Iису́се Хрiсте́ Бо́же на́шъ, Еди́не имѣ́яй вла́сть человѣ́комъ оставля́ти грѣхи́; я́ко Бла́гъ и Человѣ­колю́­бецъ пре́зри моя́ вся́ въ вѣ́дѣнiи и не въ вѣ́дѣнiи прегрѣше́нiя. И сподо́би мя́ неосужде́нно причасти́тися Боже́ст­венныхъ, и Пресла́вныхъ, и Пречи́стыхъ, и Животворя́щихъ Твои́хъ Та́инъ; не въ тя́жесть, ни въ му́ку, ни въ приложе́нiе грѣхо́въ, но во очище́нiе, и освяще́нiе, и обруче́нiе Бу́дущаго Живота́ и Ца́рствiя, въ стѣ́ну и по́мощь, и въ возраже́нiе сопроти́вныхъ, во истребле́нiе мно́гихъ мои́хъ согрѣше́нiй. Ты́ бо еси́ Бо́гъ Ми́лости, и Щедро́тъ, и Человѣколю́бiя, и Тебѣ́ Сла́ву возсыла́емъ со Отце́мъ и Святы́мъ Ду́хомъ, ны́нѣ и при́сно, и во вѣ́ки вѣко́въ. Ами́нь.

Молитва Василія Великаго, 4-я

Вѣ́мъ Го́споди, я́ко недосто́йнѣ прича­ща́юся Пречи́стаго Твоего Тѣ́ла, и Честны́я Твоея́ Кро́ве: и пови́ненъ е́смь, и су́дъ себѣ́ я́мъ и пiю́, не разсужда́я Тѣ́ла и Кро́ве Тебе́ Хрiста́ и Бо́га моего́, но на Щедро́ты Твоя́ дерза́я прихожду́ къ Тебѣ́ ре́кшему: яды́й Мою́ Пло́ть, и пiя́й Мою́ Кро́вь, во Мнѣ́ пребыва́етъ, и А́зъ въ не́мъ. Умилосе́рдися у́бо Го́споди, и не обличи́ мя́ грѣ́шнаго, но сотвори́ со мно́ю по Ми́лости Твое́й; и да бу́дутъ ми́ Свята́я сiя́ во исцѣле́нiе, и очище́нiе, и просвѣще́нiе, и сохране́нiе, и спасе́нiе, и во освяще́нiе души́ и тѣ́ла, во отгна́нiе вся́каго мечта́нiя, и лука́ваго дѣя́нiя, и дѣ́йства дiа́вольс­каго, мы́сленнѣ во удесѣ́хъ мои́хъ дѣ́йствуемаго, въ дерз­нове́нiе и любо́вь, я́же къ Тебѣ́; во исправ­ле́нiе житíя и утвержде́нiе, въ возраще́нiе добродѣ́­тели и соверше́нства; во исполне́нiе За́повѣдей, въ Ду́ха Свята́го обще́нiе, въ на́путiе Живота́ Вѣ́чнаго, во отвѣ́тъ благо­прiя́тенъ на Стра́шнѣмъ Суди́щи Твое́мъ, не въ су́дъ или во осужде́нiе. Ами́нь.

Молитва Іоанна  Златоуста, 5-я

Бо́же, осла́би, оста́ви, прости́ ми́ согрѣше́нiя моя́, ели́ка Ти́ согрѣши́хъ, а́ще сло́вомъ, а́ще дѣ́ломъ, а́ще помыш­ле́нiемъ, во́лею, или нево́лею, ра́зумомъ, или неразу́мiемъ, вся́ ми́ прости́, я́ко Бла́гъ и Человѣколю́бецъ; и моли́твами Пречи́стыя Твоея́ Ма́тере, Свята́го Царя́ искупи́тѣля Нікола́я, Умныхъ Твои́хъ служи́телей и Святы́хъ Си́лъ, и всѣ́хъ Святы́хъ отъ вѣ́ка Тебѣ́ благоугоди́в­шихъ, неосужде́нно благо­воли́ прiя́ти ми́ Свято́е и Пречи́стое Твое́ Тѣ́ло, и Честну́ю Кро́вь, во исцѣле́нiе души́ же и тѣ́ла, и во очище́нiе лука́выхъ мои́хъ помышле́нiй. Я́ко Твое́ есть Ца́рствіе, и Си́ла и Сла́ва, со Отце́мъ и Святы́мъ Ду́хомъ, ны́нѣ, и при́сно, и во вѣ́ки вѣко́въ. Ами́нь.

Молитва Іоанна  Златоуста, 6-я

Нѣ́смь дово́ленъ, Влады́ко Го́споди, да вни́деши подъ кро́въ души́ моея́; но поне́же хо́щеши Ты я́ко Человѣколю́­бецъ жи́ти во мнѣ́, дерза́я приступа́ю: повелѣва́еши, да отъве́рзу две́ри, я́же Ты́ Еди́нъ созда́лъ еси́, и вни́деши со Человѣколю́бiемъ я́коже еси́; вни́деши и просвѣща́еши помраче́нный мо́й по́мыслъ. Вѣ́рую, я́ко сiе́ сотвори́ши; не бо блудни́цу со слеза́ми прише́дшую къ Тебѣ́ отъгна́лъ еси́; ниже́ мы́таря отве́рглъ еси́ пока́явшася; ниже́ разбо́йника позна́вша Ца́рство Твое́ отгна́лъ еси́; ниже́ гони́теля пока́явшася оста́вилъ еси́ еже́ бѣ́; но отъ Покая́нiя Тебѣ́ прише́дшія, вся́ въ лицѣ́ Твои́хъ дру́говъ вчини́лъ еси́, Еди́нъ сы́й Благослове́нный всегда́, ны́нѣ и въ безконе́чныя вѣ́ки. Ами́нь.

Молитва Іоанна  Златоуста, 7-я

Го́споди Iису́се Хрiсте́ Бо́же мо́й, осла́би, оста́ви, очи́сти, и прости́ ми́ грѣ́шному, и непотре́бному, и недосто́й­ному рабу́ Твоему́ прегрѣше́нiя, и согрѣ­ше́нiя, и грѣхопаде́нiя моя́, ели́ка Ти́ отъ ю́ности моея́ да́же до настоя́щаго дне́ и ча́са согрѣши́хъ, а́ще въ ра́зумѣ и въ неразу́мiи, а́ще въ словесѣ́хъ или дѣ́лѣхъ, или помышле́нiихъ и мы́слехъ, и начина́нiихъ, и всѣ́хъ мои́хъ чу́вствахъ. И моли́твами безсѣ́менно ро́ждшiя Тя́, Пречи́стыя и Приснодѣ́вы Марiи́ Ма́тере Твоея́, еди́ныя непосты́дныя наде́жды, и предста́тельства и спасе́нiя моего́, Свя­та́го Царя́ искупи́тѣля Нікола́я, Небе́с­ныхъ Си́лъ Безпло́тныхъ и всѣ́хъ Твои́хъ Святы́хъ, сподо́би мя́ неосужде́нно причасти́тися Пречи́стыхъ, Безсме́рт­ныхъ, Животворя́­щихъ, и Стра́шныхъ Твои́хъ Та́инствъ, во оставле́нiе грѣхо́въ и въ Жи́знь Вѣ́чную; во освяще́нiе, и просвѣще́нiе, крѣ́пость, исцѣле́нiе, и здра́вiе души́ же и тѣ́ла, и въ потребле́нiе и всесоверше́нное погубле́нiе лука́выхъ мои́хъ по́мысловъ, и помышле́нiй, и предпрiя́тiй, и нощны́хъ мечта́нiй, те́мныхъ и лука́выхъ ду́ховъ; я́ко Твое́ е́сть Ца́рствіе, и Си́ла, и Сла́ва, и Че́сть и Поклоне́нiе, со Отце́мъ и Святы́мъ Твои́мъ Ду́хомъ, ны́нѣ, и при́сно, и во вѣ́ки вѣко́въ. Ами́нь.

Молитва  Iоанна Дамаскина, 8-я

Предъ дверьми́ Хра́ма Твоего́ предс­тою́, и лю́тыхъ помышле́нiй не отсту­па́ю; но Ты́ Хрiсте́ Бо́же, мы́таря оправ­ди́вый, и ханане́ю поми́ловавый, и разбо́йнику ра́я две́ри отве́рзый, отве́рзи ми́ утро́бы Человѣколю́бiя Твоего́, и прiими́ мя́ приходя́ща и прикаса́ющася Тебѣ́, я́ко блудни́цу, и кровоточи́вую; о́ва у́бо кра́я Ри́зы Твоея́ косну́вшися, удо́бь исцѣле́нiе прiя́тъ; о́ва же Пречи́с­тѣи Твои́ но́зѣ удержа́вши, разрѣше́нiе грѣхо́въ понесе́. А́зъ же окая́нный всѣ́ Твое́ Тѣ́ло дерза́я воспрiя́ти, да не опале́нъ бу́ду; но прiими́ мя́ я́коже о́ныя, и просвѣти́ моя́ душе́вная чу́вства, попаля́я моя́ грѣхо́вныя ви́ны; моли́т­вами безсѣ́менно ро́ждшiя Тя́, Свята́го Царя́ искупи́тѣля Нікола́я, Небе́сныхъ Си́лъ Безпло́тныхъ и всѣ́хъ Твои́хъ Святы́хъ, я́ко Благослове́нъ еси́ во вѣ́ки вѣко́въ. Ами́нь.

Окончанiе молитвеннаго правила

Сла́ва Отцу́, и Сы́ну, и Свято́му Ду́ху,  и ны́нѣ, и при́сно, и во вѣ́ки вѣко́въ. Ами́нь.

Аллилу́iя, Аллилу́iя, Аллилу́iя, Сла́ва Тебѣ́ Бо́же.  (Трижды)

Сла́ва Отцу́, и Сы́ну, и Свято́му Ду́ху,  и ны́нѣ, и при́сно, и во вѣ́ки вѣко́въ. Ами́нь.

Го́споди, поми́луй. (Трижды)

Го́споди, Iису́се Хрiсте́, Сы́не и Сло́ве Бо́жiй, ра́ди Имени Твоего́ Свята́го, Си́лою Животворя́щего Креста́, моли́твъ Пресвяты́я Богоро́дицы, Царя́ искупи́тѣля НIКОЛАЯ АЛЕКСАНДРОВИЧА, Небе́сныхъ Си́лъ и всѣ́хъ Святы́хъ, поми́луй на́съ и міръ Тво́й. Ами́нь.