ПОКЛОНЕНIЕ ПРЕСВЯТѢЙ ТРОИЦѢ

(изъ творенiй Святителя Димитрія Ростовскаго)

Тропарь Пресвятѣй Троицѣ

Благослове́нъ еси́ Трисвяты́й Го́­споди Бо́же на́шъ, и́же всю́ тва́рь Прему́дростiю Твое́ю созда́вый и па́дшій ро́дъ человѣ́чь Ми́лостiю Свое́ю не оста́вивый, покая́в­шим­ся же грѣ́шникомъ Живо́тъ Вѣ́чный дарова́ти обѣща́вый Человѣко­лю́бче,  Сла́ва Тебѣ́!

Вся си́лы души́ моея́, прiиди́те, покло­ни́мся Бо́гу, въ Тро́ицѣ еди́ному, Отцу́ и Сы́ну и Свято́му Ду́ху!

Вся мы́сли се́рдца моего́, прiиди́те, пок­ло­­ни́мся Тро́ицѣ, во Едини́цѣ почита́емѣй!

Вся чу́вства тѣ́ла моего́, прiиди́те,   поклони́мся   и   припаде́мъ и воспла́чемся предъ Го́сподемъ, со-тво́ршимъ на́съ!

Покланя́юся Тебѣ́, Пресвята́я, Едино­су́щ­ная, Животворя́ща и  Нераздѣли́мая  Тро́и­це: О́тче, Сы́не, и Святы́й Ду́ше : вѣ́рую въ Тя и исповѣ́дую, сла́влю, благо­дарю́, хва­лю́, почита́ю, превозношу́ Тя́ и молю́: поми́луй мя, непотре́бнаго раба́ Твоего́! 

Трижды поклоны до земли.

Покланя́юся Тебѣ́, Бо́же Отче, я́ко отъ небытiя́ въ бытiе́ приве́лъ мя еси́, о́бразомъ Твои́мъ Боже́ственнымъ укра́силъ мя́ еси́!

Покланя́юся Тебѣ́, Бо́же Сы́не, я́ко Честно́ю Твое́ю Кро́вiю стяжа́лъ мя́ еси́, отъ зако́нный кля́твы искупи́лъ мя́ еси́, Креще́нiемъ Святы́мъ просвѣти́лъ мя́ еси́!

Покланя́юся Тебѣ́, Бо́же Ду́ше Святы́й, я́ко оживи́лъ мя́ еси́, вразуми́лъ мя́ еси́, Свѣ́томъ Вѣ́ры облиста́лъ мя́ еси́!

Трижды поклоны до земли

Покланя́юся Тебѣ́, Бо́же Отче, я́ко да́лъ ми́ еси́ ду́шу Боже́ственнымъ и Живот­воря́щимъ Твои́мъ Вдохнове́нiемъ!

Покланя́юея Тебѣ́, Бо́же Сы́не, я́ко Ду́шу Твою́ за мя́ на Крестѣ́ положи́лъ еси́!

Покланя́юся Тебѣ́, Бо́же Ду́ше Святы́й, я́ко избавля́еши ду́шу мою́ отъ сме́рти, о́чи мои́ отъ сле́зъ и но́зѣ мои́ отъ попол­знове́нiя!

Трижды поклоны до земли

Покланя́юся Тебѣ́, Бо́же Отче, я́ко согрѣша́юща мя́ не погубля́еши со беззако́нми мои́ми, но долготе́рпиши, ожида́я обраще́нiя моего́!

Покланя́юся Тебѣ́, Бо́же Сы́не, я́ко не хо́щеши сме́рти мене́ грѣ́шнаго, но милосе́рдно на покая́нiе мя призыва́еши!

Покланя́юся Тебѣ́, Бо́же Ду́ше Свя­ты́й, я́ко обраща́ющася мя́ не прези­ра́еши, припада́юща не отмета́еши, но я́ко блу́днаго сы́на прiе́млеши и обновля́еши ду́хъ пра́въ во утро́бѣ мое́й!

Трижды поклоны до земли.

Покланя́юся Тебѣ́, Бо́гу Отцу́, очи­ща́ющему вся беззако́нiя моя́!

Покланя́юся Тебѣ́, Бо́гу Сы́ну, исцеля́ю­щему вся неду́ги моя́!

Покланя́юся Тебѣ́, Бо́гу Ду́ху Свя­то́му, избавля́ющему отъ истлѣ́нiя живо́тъ мо́й!

Трижды поклоны до земли.

Покланя́юся Тебѣ́, Бо́гу Отцу́, не до конца́ прогнѣ́вающемуся, ни вовѣ́къ вражду́ющему!

Покланя́юся Тебѣ́, Бо́гу Сы́ну, не по беззако́нiямъ мои́мъ творя́ще­му ми!

Покланя́юсь Тебѣ́, Бо́гу Ду́ху Свя­то́му, не по грѣхо́мъ мои́мъ воздаю́­щему !

Трижды поклоны до земли.

Покланя́юся Тебѣ́, Бо́гу Отцу́, ущедря́­ющему мя́, я́коже щедри́тъ оте́цъ сыны́ своя.

Покланя́юся Тебѣ́, Бо́гу Сы́ну, зна́ющему стра́стное естество́ мое́ и сла́бость!

Покланя́юся Тебѣ́, Бо́гу Ду́ху Свя­то́му, врачу́ющему не́мощи моя́ и очища́ющему мя́ отъ вся́кiя скве́рны!

Трижды поклоны до земли.

Покланя́юся Тебѣ́, Бо́же Отче, я́ко па́дшаго мя́ возставля́еши!

Покланя́;юся Тебѣ́, Бо́же Сы́не, я́ко поги́бшаго мя́ взыску́еши!

Покланя́юся Тебѣ́, Бо́же Ду́ше Святы́й, я́ко ме́ртваго мя́ оживля́еши!

Трижды поклоны до земли.

Покланя́юся Тебѣ́, Бо́же Отче милосе́рде, упова́нiе мое́!

Покланя́юсь Тебѣ́, Бо́же Сы́не долгетер­пѣли́ве, прибѣ́жище мое́!

Покланя́юея Тебѣ́, Бо́же Ду́ше Святы́й, незло́бливе, покрови́телю мо́й!

Трижды поклоны до земли.

Сiе падши ницъ на земли, глаголи:

Досто́йно е́сть я́ко вои́стинну покло­ня́тися, славослови́ти и благодари́ти Тя́, Тро́ице Свята́я, Юже вся́ Небе́сныя Си́лы, Херуви́ми, Серафи́ми, Трисвяты́ми Пѣ́сньми восхваля́ютъ, все Святíи благодаря́тъ, вся́кое созда́нiе раболѣ́пно покланя́ется, и а́зъ, бре́нный че́рвь ползя́щiй, предъ вели́­чествомъ непристу́пныя Сла́вы Твоея́ бездерзнове́ненъ, въ наде́ждѣ Ми́лости Твоея́ дерза́ю, безсту́дно припада́ю и  молю́:  да́ждь всегда́ Тебѣ́ Созда́телю моему́, неосужде́нпо и нелѣ́ностно кланя́тися, Тебе́ Еди́наго зна́ти, Тебе́ люби́ти и боя́тися, Твоя́ повелѣ́нiя храни́ти, Твои́хъ За́поведей путе́мъ ходи́ти, Тебе́ хвали́ти и сла́вити до послѣ́дняго моего́ издыха́нія, да и по разлуче́нiи отъ бре́ннаго ми́ тѣ́ла и па́ки съ ни́мъ совокупле́нiи не лиши́ мя́ съ угоди́вши­ми Тебѣ́ ра́достнѣ, Свя́тъ,  Свя́тъ,  Свя́тъ  восклица́ти вовѣ́ки. Ами́нь.

ЦѢЛОВАНIЕ РАНЪ ГОСПОДА НАШЕГО IИСУСА ХРIСТА

(изъ твореній Святителя Димитрія Ростовскаго)

Ра́дуйся, ужа́сная всѣ́мъ мiролю́бцамъ Пресвята́я главо́ Го́спода на­́шего Іису́са Хрiста́, на́съ ра́ди те́рнiемъ увѣ́нчанна и  тро́стiю изби́та.  

Ра́дуйся, прекра́снѣйшее лице́ Го́спода на́шего Іису́са Хрiста́, на́съ ра́ди оплева́но и бiе́но.

Ра́дуйтеся, премило́стивѣйшiи о́чи Спаси́́­теля на́шего Іису́са Хрiста́, на́съ ра́ди слеза́ми облiя́ны.

Трижды поклоны до земли.

Ра́дуйтеся, уста́ и горта́ни Го́спо­да на́шего Іису́са Хрiста́, на́съ ра́ди же́лчiю и о́цтомъ напое́нныя.

Ра́дуйтеся, пречестнѣ́йшiя у́ши Го́­спода   на́шего   Іису́са   Хрiста́,  на́съ ра́ди хуле́ніями и поноше́нiями испо́лненныя.

Ра́дуйтеся, смире́ніемъ украше́нная вы́я Іису́са Хрiста́, Спаси́теля на́ше­го, на́съ ра́ди зауше́нна, и хребте́, на́съ ра́ди изби́ть и уя́звленъ.

Трижды поклоны до земли.

Ра́дуйтеся, пречи́стыя ру́цѣ и ра­мен́а Го́спода на́шего Іису́са Хрiста́, на́съ ра́ди на Крестѣ́ распро­сте́ртый.

Ра́дуйтеся, пречи́стыя пе́рси Іису́са Хрiста́, Спаси́теля на́шего, на́съ ра́ди при страстѣ́хъ ско́рби испо́л­нныя.

Ра́дуйся, бо́къ пречи́́стый Господа на́шего Iису́са Хрiста́, на́съ ра́ди копiе́мъ простра́нно во́инскимъ от­верстый.

Трижды поклоны до земли.

Ра́дуйтеся, пречи́стыя колѣ́ни Іису́совы, на́съ ра́ди на моли́твѣ прекло­не́нныя.

Ра́дуйтеся, многотру́дныя пречи́­стыя но́зѣ Спаси́теля на́шего, на́съ ра́ди ко Кресту́ пригвожде́нныя.

Ра́дуйся, всё тѣ́ло Го́спода на́ше­го Іису́са Хрiста́, Спаси́теля на́шего, на́съ ра́ди на Крестѣ́ обѣше́нное и уязвле́нное и по се́мъ погре́бенное.

Трижды поклоны до земли.

Ра́дуйся, предрага́я Крове, яже отъ тѣ́ла Го́с­по­да Іису́са, Спаси́теля на́­шего, есть излiя́на.

Ра́дуйся, Пресвя́тая душе́ Го́спода на́шего Іису́са Хрiста́, на́съ ра́ди на Крестѣ́ въ ру́цѣ Бо́гу и Отцу́ пре́данная.

Ра́дуйся, всѣ́хъ ра́досте. Ами́нь.

Трижды поклоны до земли.

О, Пречестны́й и Животворящій Кре­́сте Госпо́день! Си́лою на Тебѣ́ распя́таго Го́спода на́шего Іису́са Хрiста укрѣпи́ мя́ на вся́ ви́­димые и неви́димые враги́, плотска́го н дуще́внаго, соблюда́я мя́ искуше́нiя.

ПОКЛОНЕНIЕ ПРЕСВЯТѢЙ ВЛАДЫЧИЦѢ НАШЕЙ БОГОРОДИЦѢ

(изъ твореній Святителя Димитрія Ростовскаго)

Прiи́дите, поклони́мся Цари́цѣ на­́шей Богоро́дицѣ.

Прiиди́те, поклони́мся Дѣ́вѣ Марíи, Цари́цѣ на́шей Богоро́дицѣ.

Прiиди́те поклони́мся и припаде́мъ къ само́й Госпожѣ́ Дѣ́вѣ Марíи, Цари́цѣ на́шей Богоро́дицѣ.

Трижды поклоны до земли.

Богоро́дице Дѣ́́во, ра́дуйся, благода́т­ная Марíе, я́ко зачала́ еси́ пло́тiю Сы́на Бо́жiя.

Ра́дуйся, я́ко Его́ во чревѣ Твое́мъ носи́ла еси́.

Ра́дуйся, я́ко Его́ родила́ еси́.

Ра́дуйся, я́ко сосцы́ пита́ла еси.

Трижды поклоны до земли.

Ра́дуйся, я́ко Ему́ волсви́ поклоня́лися.

Ра́дуйся, я́ко Хрiста́ въ це́ркви по трíехъ дне́хъ обрѣла́ еси́.

Ра́дуйся, я́ко Хрiсто́съ воскресе́ изъ мертвыхъ и взы́де на небеса́.

Трижды поклоны до земли.

Ра́дуйся, я́ко Ты Сама ́на не́бо взя­́та еси́.

Ра́дуйся, я́ко Ты дѣ́вствомъ А́нгеловъ и сла́вою Святы́хъ превосхо́диши.   

Ра́дуйся, я́ко Ты́ на земли́ ми́ръ твори́ши.

Трижды поклоны до земли.

Ра́дуйся, я́ко Тебѣ́ жи́тели небе́снiи вси́ послу́шни су́ть.

Ра́дуйся, я́ко Ты е́же хо́щепiи, у Сы́на Твоего́ Хрiста́ Бо́га на́­шего испроси́ти мо́жеши.

Ра́дуйся, я́ко сподо́билася еси́ бы́ти бли́зъ Пресвяты́я Тро́ицы.

Трижды поклоны до земли.

Ра́дуйся, я́ко  Ты́ Ма́ти люде́й озло́бленныхъ, и́же къ Тебѣ́́ прибѣга́ютъ.  

Ра́дуйся, я́ко Твоя́  ра́дость вовѣ́къ не сконча́ется.

Ра́дуйся,   Благода́тная,   Госпо́дь, съ Тобо́ю.

Трижды поклоны до земли.

О, Пресвята́я Госпо́же Влады́чице, Дѣ́во Богоро́дице! прiими́ недосто́й­ную моли́тву мою́ и сохрани́ мя отъ на́глыя смерти, и да́руй ми пре́жде конца́ покая́нiе.

Сла́ва Тебѣ́, Мати Бо́жiя, вѣ́рныхъ прибѣ́жище и избавле́нiе въ лю́тыхъ содержи́мыхъ, и ду́шъ на́шихъ Боже́­ственное утѣше́нiе. Всеокая́нныя ду́­ши на́ша, о, Богоблагода́тная! уязвленныя стрѣля́нiи ра́тника, Твоему́ всеси́льному  предста́тельству   поруча́емъ, я́же соблюда́й, покрыва́й и спаса́й отъ бѣсо́вскихъ ко́зней невре­ди́мы, да зове́мъ Ти: Ра́дуйся, Невѣ́сто Неневѣ́стная!

Пресла́вная Приснодѣ́во, Ма́ти Хрiста́ Бо́га, принеси́ на́шу моли́тву Сы́ну Твоему́ и Бо́гу на́шему, да спасе́тъ Тобо́ю ду́ши на́ша.

Всё упованiе мое́ на Тя́ возла́гаю, Ма́ти Бо́жiя, сохра́ни мя подъ кро́вомъ Твои́мъ.

Молитва Святымъ Ангеламъ

хранителямъ

Ангели Хрiсто́вы, храни́тели на­́ши святы́я, не отступа́йте отъ на́съ злы́хъ ра́ди дѣлъ на́шихъ, но моли́те Бо́га о на́съ грѣ́шныхъ, я́ко да прости́тъ на́мъ Созда́тель и Богъ на́шъ вся́, ели́ка предъ Нимъ согрѣшихомъ, и да укрѣпитъ на́съ про́чее вре́мя живота́ на́шего безъ поро́ка прейти́. Вы же на́съ, о Храни́тели на́ши, въ се́й де́нь и но́щь си́лою ва́шею покры́йте и невреди́мыхъ соблюди́те отъ вся́каго зла́, я́ко да неврежде́нны отъ діа́вольскихъ искуше́нiй, возлега́я и возста́я отъ смире́ннаго на́мъ ло́жа, досто́йно восхвали́мъ И́мя Бо́га на­́шего, Отца́ и Сы́на и Свята́го Д́у́ха , я́ко благослове́нно е́сть, ны́нѣ и при́сно, и во вѣ́ки вѣко́въ. Ами́нь.

Моли́ Бо́га о мнѣ́, Святы́й Угодни́къ Бо́жiй (имярекъ), я́ко азъ ус́ердно къ тебѣ́ прибѣга́ю, скорому помо́щнику и моли́твеннику о душѣ́ мое́й.

Вся А́нгеловъ во́инства, Царю́ искупи́­телю Ніко́лае, Предте́че Госпо́день, Апо́столовъ двоена́десятице, Святíи вси́ съ Богоро́дицею сотвори́те моли́тву, во е́же спасти́ся на́мъ.

Упова́нiе мое́ Оте́цъ,  прибѣ́жище мое́ Сы́нъ,  покро́въ мо́й Ду́хъ Святы́й,  Тро́ице Свята́я, сла́ва Тебѣ́.

О Тебѣ́ ра́дуется, Благода́тная, вся́кая тва́рь,  А́нгельскій собо́ръ и  человѣ́́ческiй родъ, освяще́нный хра́ме и ра́ю слове́сный, дѣ́вственная похвало́, изъ Нея́ же Бо́гъ воплоти́ся и Младе́нецъ бы́сть, пре́жде вѣ́къ сы́й Бо́гъ на́шъ, ложесна́ бо Твоя́ престо́лъ сотвори́ и чре́во Твое́ про­стра́ннѣе небесъ содѣ́ла. О Тебѣ ра́­дуется, Благода́тная, вся́кая тва́рь, сла́ва Тебе́!  Поклонъ до земли.

Окончанiе молитвеннаго правила

Сла́ва Отцу́, и Сы́ну, и Свято́му Ду́ху,  и ны́нѣ, и при́сно, и во вѣ́ки вѣко́въ. Ами́нь.

Аллилу́iя, Аллилу́iя, Аллилу́iя, Сла́ва Тебѣ́ Бо́же.  (Трижды)

Сла́ва Отцу́, и Сы́ну, и Свято́му Ду́ху,  и ны́нѣ, и при́сно, и во вѣ́ки вѣко́въ. Ами́нь.

Го́споди, поми́луй. (Трижды)

Го́споди, Iису́се Хрiсте́, Сы́не и Сло́ве Бо́жiй, ра́ди Имени Твоего́ Свята́го, Си́лою Животворя́щего Креста́, моли́твъ Пресвяты́я Богоро́дицы, Царя́ искупи́тѣля НIКОЛАЯ АЛЕКСАНДРОВИЧА, Небе́сныхъ Си́лъ и всѣ́хъ Святы́хъ, поми́луй на́съ и міръ Тво́й. Ами́нь.   Поклонъ до земли.