Примечание I. Страница на данном этапе находиться в разработке, поэтому часть ссылок пока не работают. Приносим свои извинения за временные неудобства

Примечание II. Для корректного отображения текста данной страницы Вам потребуется шрифты дореволюционной Царкской орфографии.  Скачать и  установить шрифты  можно сдесь.

 

МОЛИТВЫ ВЪ ПРОДОЛЖЕНIИ ДНЯ

Оглавление

Молитва на принятiе Просфоры и Святой Воды*

Предъ вкушенiем пищи читаютъ


"Отче нашъ" или же сiю молитву*


Правило предъ вкушениемъ пищи*


Молитва после вкушенiя пищи 

Правило после вкушенія пищи*

Молитвы предъ началомъ всякого дѣла 

Благодаренiе Богу по окончанiи всякого дѣла


Молитва предъ ученiемъ 

Молитва после ученiя

Молитва предъ чтенiемъ духовныхъ книгъ Святителя Иоанна Златоуста 

Иная молитва предъ чтенiемъ духовныхъ книгъ

 

 

 

Молитва на принятiе Просфоры и Святой Воды*

Го́споди, Iису́се Христе́, Бо́же на́шъ, да бу́детъ Да́ръ Тво́й Святы́й: Просфора́ (или Артос), и Свята́я Вода́ Твоя́ во оставле́нiе грѣхо́въ мои́хъ, въ прос­веще́нiе ума́ моего́, во очище́нiе се́рдца, во укрепле́нiе душе́в­ныхъ и тѣле́сныхъ си́лъ мои́хъ, въ здра́вiе души́ и тѣ́ла моего́, въ покоре́нiе страсте́й и не́мощей мои́хъ, во утвержде́ние во́ли моея́ на Путя́хъ исполне́нія Во́ли Твое́я, въ разруше́ніе и прогна́ніе вся́каго дѣ́йства и ко́зней діаволи́хъ по Безпреде́льному Милосе́рдію Твоему́, Си́лою Честна́го и Животворя́щего Креста́, моли́твами Пречи́стыя Твоея́ Ма́тери, Царя́ искупи́тѣля Нікола́я, Небе́сныхъ Си́лъ Безпло́тныхъ и всѣ́хъ Твои́хъ Святы́хъ. Ами́нь.

* По пробуждении от сна, Православному Христианину подобает с молитвой: «Слава Тебе, Господи, за сегодняшний сон. Благослови на день грядущий!»  восстать от своего ложа. Затем пойти и с молитвой: «Боже, очисти мя грѣшнаго!» трижды умыть лицо, после чего –  принять Святой Воды с Просфорой.  Ежедневное принятие натощак Святой Воды с Просфорой имеет великую духовную силу. Кто так будет поступать, того Благодать Божия будет покрывать в течении всего дня, а злые люди будут бессильны нанести нам какой-либо вред.

 

Предъ вкушенiем пищи читаютъ "Отче нашъ"

или же сiю молитву*

Очи всѣ́хъ на Тя́, Го́споди, упова́ютъ, и Ты́ дае́ши и́мъ пи́щу во благовре́­менiи, отверза́еши Ты́ Ще́друю Ру́ку Твою́ и ис­полня́еши вся́кое живо́тно Благоволе́нiя.

* Подобает также ведати, что перед обдом следует творить творить Правило Преподобоного Серафима Саровского

 

Правило предъ вкушениемъ пищи*

Во Имя Отца́,  и Сы́на, и Свята́го Ду́ха. Ами́нь.

Отче на́шъ, Иже еси́ на Небесѣ́хъ! Да святи́тся Имя Твое́; да прiи́детъ Ца́рствiе Твое́; да бу́детъ Во́ля Твоя́, я́ко на Небеси́, и на земли́; хлѣ́бъ на́шъ насу́щный да́ждь на́мъ дне́сь; и оста́ви на́мъ до́лги на́ша, я́ко и мы́ оставля́емъ должнико́мъ на́шимъ; и не введи́ на́съ во искуше́ніе, но изба́ви на́съ отъ лука́ваго; я́ко Тво́е е́сть Ца́рствіе, и Си́ла, и Сла́ва: Отца́ и Сы́на и Свята́го Ду́ха,  ны́нѣ и при́сно во вѣ́ки вѣко́въ. Ами́нь.  

Спаси́, Го́споди, лю́ди Твоя́, и блогослови́ достоя́нiе Твое́, побѣ́ды [гряду́­щему] Благовѣ́рному Госуда́рю IМПЕ­РАТОРУ на́шему (ЕГОЖЕ и́мя Го́спо­ди, Ты́, вѣ́си) на сопроти́вныя да́руя, и Твое́ сохраня́я Крѣсто́мъ Твои́мъ Жи́тельство.

Богоро́дице Дѣ́во, ра́дуйся! Благода́тная Марíе, Госпо́дь съ Тобо́ю; благослове́нна Ты́ въ жена́хъ и благослове́нъ Пло́дъ Чре́ва Твоего́, я́ко Спа́са родила́ еси ду́шъ на́шихъ.  

Же́ртвѣ Хрiсто́вѣй въ подо́бiе, я́ко а́гнецъ непоро́чный, во́лею полага́е­шися во искупле́нiе Собо́рнаго грѣха́ измѣ́ны Наро́да Ру́сскаго, Ца́рству въ себѣ́ раз­дѣ́львшѣмуся въ себѣ́же да́руеши исцѣле́нiе. О Cвяты́й Царю́ искупи́­тѣлю Нiко́лае! Страда́нiя твоя́ кре́стная сла́вимъ, и́ми бо Ца́рствiе воскреша́­ется во Сла́ву Царя́ Бо́га Небе́снаго, и во спасе́нiе ду́шъ на́шихъ.

Небе́сныхъ Во́инствъ Архистрати́зи: Михаíле, Гаврiиле, Рафаíле, Урiи́ле, Селафiи́ле, Iегудiи́ле, Варахiи́ле; и вси́ Святíи Небе́сные Си́лы: Серафи́мы, Херуви́мы, Престо́лы; Госпо́дствія, Си́лы и Вла́сти; Нача́ла, Арха́нгели и Ангели; и вся́ Небе́сныя Вои́нства, сла́вящiе Го́спода, мо́лимъ ва́съ при́сно мы́ недосто́йнiи, да ва́шими моли́твами огради́те на́съ кро́вомъ кри́лъ невеще́ственныя ва́шея сла́вы, сохраня́юще ны́ припада́ющихъ прилѣ́жно и вопiю́щихъ: отъ бѣ́дъ изба́вите ны́, я́ко служи́тели Го́спода Бо́га Си́лъ.    

Благовѣ́рнiи Пра́отцы, Ца́ріе и Кня́зіе; Проро́цы и Апо́столи, Святи́тѣли и Му́ченцы, Преподо́бнiи и Блаже́нніи, Безсре́бренницы и Пра́вѣд­нiи; и вси́ Святíи, до́брѣ по́двигъ совер­ши́вшiи и Вѣ́ру соблю́дшiи, дерзно­ве́нiе иму́ще ко Спа́су, о на́съ Того́, я́ко Бла́га, моли́те спасти́ся, мо́лимся, душа́мъ на́шимъ.  

Сла́ва Отцу́, и Сы́ну, и Свято́му Ду́ху, и ны́нѣ, и при́сно, и во вѣ́ки вѣко́въ. Ами́нь.

Аллилу́ія, Аллилу́ія, Аллилу́ія, Сла́ва Тебѣ́ Бо́же.  (Трижды)

Го́споди, поми́луй. (Трижды)

Го́споди, Iису́се Хрiсте́, Сы́не и Сло́ве Бо́жiй, ра́ди Имени Твоего́ Свята́го, благослови́ я́стие и питіе́ рабо́мъ Твои́мъ Си́лою Четсна́го и Животворя́щего Креста́ , моли́твами Пречи́стыя и Преблагослове́нныя Твоея́ Ма́тре, Свята́го Царя́ искупи́теля НIКОЛАЯ АЛЕКСАНДРОВИЧА, предста́тельствы Честны́хъ Небе́сныхъ Си́лъ Безпло́тныхъ и всѣ́хъ Твои́хъ Святы́хъ. Ами́нь.

С молитвой "Во Имя Отца́  и Сы́на, и Свята́го Ду́ха. Ами́нь" троекратно осеняем трапезу Крестным Знамениемъ, после чего садимся и благоговейно вкушаем пищу.

 *Аще кто имеет Силы и Ревность, тот может пред вкушеним пищи творить сие правило.

 

Молитва после вкушенiя пищи

Благодари́мъ Тя́, Хрiсте́ Бо́же на́шъ, я́ко насы́тилъ еси́  на́съ  земны́хъ  Тво­и́хъ Бла́гъ; не лиши́ на́съ и Небе́с­наго Твоего́ Ца́рствiя. Ами́нь.

 

Правило после вкушенія пищи*

Во Имя Отца́,  и Сы́на, и Свята́го Ду́ха. Ами́нь.

Отче на́шъ, Иже еси́ на Небесѣ́хъ! Да святи́тся Имя Твое́; да прiи́детъ Ца́рствiе Твое́; да бу́детъ Во́ля Твоя́, я́ко на Небеси́, и на земли́; хлѣ́бъ на́шъ насу́щный да́ждь на́мъ дне́сь; и оста́ви на́мъ до́лги на́ша, я́ко и мы́ оставля́емъ должнико́мъ на́шимъ; и не введи́ на́съ во искуше́ніе, но изба́ви на́съ отъ лука́ваго; я́ко Тво́е е́сть Ца́рствіе, и Си́ла, и Сла́ва: Отца́ и Сы́на и Свята́го Ду́ха,  ны́нѣ и при́сно во вѣ́ки вѣко́въ. Ами́нь.  

Вознесы́йся на Крѣ́стъ Во́лею, Тезоимени́тому Твоему́ Но́вому Жи́тельству Щедро́ты Твоя́ да́руй, Хрiсте́ Бо́же, возвесели́ Си́лою Твое́ю [гряду́щаго] Благовѣ́рнаго Госуда́ря IМПЕРАТОРА на́шего (ЕГОЖЕ и́мя Го́споди, Ты́, вѣ́си), побѣ́ды дая́ ЕМУ на сопоста́ты, посо́бiе иму́щу Твое́ ору́жiе ми́ра, непобѣди́мую побѣ́ду.

Досто́йно е́сть я́ко вои́стинну блажи́ти Тя́ Богоро́дицу, Присноблаже́нную и Пренепо­ро́чную и Ма́терь Бо́га на́шего; Честнѣ́йшую Херуві́мъ и Славнѣ́йшую безъ сравне́нія Серафі́мъ, безъ истлѣ́нія Бо́га Сло́ва ро́жд­шую, су́щую Богоро́­дицу Тя́ велича́емъ.

Же́ртвѣ Хрiсто́вѣй въ подо́бiе, я́ко а́гнецъ непоро́чный, во́лею полага́е­шися во искупле́нiе Собо́рнаго грѣха́ измѣ́ны Наро́да Ру́сскаго, Ца́рству въ себѣ́ раз­дѣ́львшѣмуся въ себѣ́же да́руеши исцѣле́нiе. О Cвяты́й Царю́ искупи́­тѣлю Нiко́лае! Страда́нiя твоя́ кре́стная сла́вимъ, и́ми бо Ца́рствiе воскреша́­ется во Сла́ву Царя́ Бо́га Небе́снаго, и во спасе́нiе ду́шъ на́шихъ.

Небе́сныхъ Во́инствъ Архистрати́зи: Михаíле, Гаврiиле, Рафаíле, Урiи́ле, Селафiи́ле, Iегудiи́ле, Варахiи́ле; и вси́ Святíи Небе́сные Си́лы: Серафи́мы, Херуви́мы, Престо́лы; Госпо́дствія, Си́лы и Вла́сти; Нача́ла, Арха́нгели и Ангели; и вся́ Небе́сныя Вои́нства, сла́вящiе Го́спода, мо́лимъ ва́съ при́сно мы́ недосто́йнiи, да ва́шими моли́твами огради́те на́съ кро́вомъ кри́лъ невеще́ственныя ва́шея сла́вы, сохраня́юще ны́ припада́ющихъ прилѣ́жно и вопiю́щихъ: отъ бѣ́дъ изба́вите ны́, я́ко служи́тели Го́спода Бо́га Си́лъ.    

Благовѣ́рнiи Пра́отцы, Ца́ріе и Кня́зіе; Проро́цы и Апо́столи, Святи́тѣли и Му́ченцы, Преподо́бнiи и Блаже́нніи, Безсре́бренницы и Пра́вѣд­нiи; и вси́ Святíи, до́брѣ по́двигъ совер­ши́вшiи и Вѣ́ру соблю́дшiи, дерзно­ве́нiе иму́ще ко Спа́су, о на́съ Того́, я́ко Бла́га, моли́те спасти́ся, мо́лимся, душа́мъ на́шимъ.  

Сла́ва Отцу́, и Сы́ну, и Свято́му Ду́ху,  и ны́нѣ, и при́сно, и во вѣ́ки вѣко́въ. Ами́нь.

Аллилу́ія, Аллилу́ія, Аллилу́ія, Сла́ва Тебѣ́ Бо́же.  (Трижды)

Го́споди, поми́луй. (Трижды)

Благодари́мъ Тя́, Хрiсте́ Бо́же на́шъ, я́ко насы́тилъ еси́  на́съ  земны́хъ  Тво­и́хъ Бла́гъ, и ра́ди Имени Твоего́ Свята́го не лиши́ на́съ и Небе́с­наго Твоего́ Ца́рствiя, моли́твами Пречи́стыя Твоея́ Ма́тре, Свята́го Царя́ искупи́теля НIКОЛАЯ АЛЕКСАНДРОВИЧА, предста́тельствы Небе́сныхъ Си́лъ Безпло́тныхъ и всѣ́хъ Твои́хъ Святы́хъ. Ами́нь.

*Аще кто имеет Силы и Ревность, тот может пред вкушеним пищи творить сие правило.

 

Молитвы предъ началомъ всякого дѣла

Царю́ Небе́сный, Утѣ́шителю, Ду́ше Истины, Иже вездѣ́ сы́й и вся́ исполня́й, Сокро́вище Благи́хъ и Жи́зни Пода́телю, прiиди́ и всели́ся въ ны́, и очи́сти ны́ отъ вся́кiя скве́рны, и спаси́, Бла́же, ду́ши на́ша.

Тво́рче и Созда́телю вся́ческихъ, Бо́же, дѣ́ла ру́къ на́шихъ, къ Сла́вѣ Твое́й начина́е­мая, Твои́мъ Благослове́нiемъ спе́шно испра́­ви, и на́съ отъ вся́каго зла́ изба́ви, я́ко Еди́нъ Всеси́ленъ и Человѣ­колю́бецъ.

Ско́рый въ заступле́нiе и Крѣ́пкiй въ по́мощь, предста́ни Благода́тию Си́лы Твоея́ ны́нѣ, и благослови́въ укрепи́, и въ соверше́нiе наме́ренiя блага́го дѣла́ рабо́въ Твои́хъ произведи́; вся́ бо ели́ка хо́щеши, я́ко Си́льный Бо́гъ, твори́ти мо́жеши.

Го́споди Iису́се Хрiсте́, Сы́не Едино­ро́д­ный Безнача́льнаго Твоего́ Отца́, Ты́ ре́клъ еси́ Пречи́стыми Усты́ Твои́ми: бе́зъ Мене́ не мо́жете твори́ти ничесо́же. Го́споди мо́й, Го́споди, вѣ́рою объе́мъ въ души́ мое́й и се́рдце Тобо́ю рече́нная, припа́даю Твое́й Бла́гости; помози́ ми́ грѣ́шному сiе́ дѣ́ло, мно́ю начина́емо, о Тебе́ Саме́мъ соверши́­ти, во Имя Отца́, и Сы́на, и Свята́го Ду́ха. Ами́нь.

Го́споди! Iису́се Хрiсте́, Сы́не и Сло́ве Бо́жiй, ра́ди Имени Твоего́ Свята́го, Си́лою Животворя́щего Креста́, моли́твъ Пречи́стыя Твоея́ Ма́тре, Царя́ искупи́тѣля НIКОЛАЯ АЛЕКСАНДРОВИЧА, Небе́сныхъ Си́лъ Безпло́т­ныхъ и всѣ́хъ Твои́хъ Святы́хъ, благослови́ тру́дъ мо́й, да́бы о́нъ бы́лъ въ прославле́нiе Имени Твоего́, въ спасе́нiе души́ мое́й, въ по́мощь и наставле́нiе бли́жнему моему́. Ами́нь.

 

Благодаренiе Богу по окончанiи всякого дѣла

Благода́рни су́ще недосто́йніи раби́ Твои́, Го́споди, о Твои́хъ Вели́кихъ Бла­годѣя́нiяхъ на на́съ бы́вшихъ, сла́вя­ще Тя́ хва́лимъ, благослови́мъ, благода­ри́мъ, пое́мъ и велича́емъ Твое́ Благоут­ро́бiе, и ра́бски любо́вію вопiе́мъ Ти́: Благо­де́телю Спа́се на́шъ, Сла́ва Тебѣ́.

Твои́хъ Благодея́нiй и Даро́въ ту́не (даромъ), я́ко раби́ непотре́бнiи, сподо́бль­шеся, Влады́ко, къ Тебѣ́ усе́рдно прите­ка́юще, благодаре́нiе по си́ле прино́симъ, и Тебе́ я́ко Благоде́теля и Творца́ сла́вя­ще, вопiе́мъ: Сла́ва Тебе́, Бо́же Всеще́д­рый.

Сла́ва Отцу́, и Сы́ну, и Свято́му Ду́ху,  ны́нѣ, и при́сно, и во вѣ́ки вѣко́въ. Ами́нь.

Богоро́дице, Хрiстіа́номъ Помо́щнице, Твое́ предста́тельство стяжа́вше раби́ Твои́, благода́рно Тебѣ́ вопiе́мъ: ра́дуйся, Пречи́с­тая Богоро́дице Дѣ́во, и отъ всѣ́хъ на́съ бѣ́дъ Твои́ми моли́твами всегда́ изба́ви, Еди́на вско́ре предста́тельству­ющая.

 

Молитва предъ ученiемъ

Преблагі́́й Го́споди! Низпосли́ на́мъ Благо­да́ть Ду́ха Твоего́ Свята́го, да́рст­вующаго и укрепля́ющаго душе́в­ныя на́шя си́лы, да́бы внима́юще препода­ва́емому на́мъ ученію, возрасли́ мы́ Тебѣ́ на́шему Создате́лю во Сла́ву, роди́­те­лемъ же на́шимъ на утеше́нiе, Це́ркви и Оте́честву на по́льзу. Ами́нь.

 

Молитва после ученiя

Благодари́мъ Тебе́, Созда́телю, я́ко сподо́­билъ еси́ на́съ Благода́ти Твоея́, во е́же вни­ма́ти уче́нію. Благослови́ Царя́ на́шего, нача́ль­никовъ, роди́телей и учи́телей, веду́щихъ ны́ къ позна́нію бла́га, и пода́ждь на́мъ си́лу и кре́­пость къ продолже́нію уче́нiя сего́. Ами́нь.

 

Молитва предъ чтенiемъ духовныхъ книгъ

Святителя Иоанна Златоуста

Го́споди, Iису́се Хрiсте́! Отве́рзи о́чи мои́ серде́чные услы́шати Сло́во Твое́, и разу́мети е́го, и твори́ти Во́лю Твою́, я́ко прише́лецъ а́зъ е́смь на земли́, не скры́й отъ мене́ За́поведей Твои́хъ, но отве́рзи о́чи мои́, да уразуме́ю чудеса́ отъ Зако́на Твоего́. Скажи́ ми́ безве́ст­ная и та́йная Прему́дрости Твоея́; на Тя́ упова́ю, Бо́же мо́й, да Ты́ просвети́ши у́мъ мо́й и се́рдце мое́ Све́томъ Ра́зума Твоего́, да не то́кмо прочту́ напи́­саныя, но и испо́лню о́ное. Соде́лай, да́бы я́ не во грѣ́хъ себѣ́ Святы́хъ житiя́ и словеса́ прочита́лъ, но во обновле́нiе и просве­ще́нiе, и во спасе́нiе, и въ насле́дiе Жи́зни Вѣ́чныя. Ибо Ты́, Го́споди, Просвеще́нiе лежа́щихъ во тьмѣ́, и отъ Тебѣ́ е́сть вся́кое Дая́нiе Бла́го, и вся́къ Да́ръ Соверше́нъ. Ами́нь.

 

Иная молитва предъ чтенiемъ духовныхъ книгъ

Го́споди, Iису́се Хрiсте́! Отве́́рзи у́ши и о́чи се́рдца моего́,  услы́шати мнѣ́ Словеса́ Твои́ и испо́лнить Во́лю Твою́, я́ко прише́лецъ а́зъ е́смь на земли́; не скры́й отъ мене́, Го́споди, За́поведей Твои́хъ, но откры́й о́чи мои́, да уразуме́ю чудеса́ отъ Словеси́ Твоего́, и́бо на Тя́ упова́ю, Бо́же мо́й, да́бы просвети́лъ Ты́ еси́ се́рдце мое́. Ами́нь.